Моя корзина Корзина пуста

ПУБЛІЧНАЯ ДАМОВА
аб набыцці тавараў праз Інтэрнэт-краму Prosad.by

1. Агульныя палажэнні

1.1 Дадзеная Публічная дамова (далей названая па тэксце "Дамова") вызначае парадак продажу тавараў ў інтэрнэт-краме Prosad.by, а таксама ўзаемныя правы, абавязкі і парадак узаемаадносін паміж Індывідуальным Прадпрымальнікам Салавей Мікалай Васільевіч, названым у далейшым "Прадавец", і пакупніком тавару ў інтэрнэт-краме (юрыдычнай асобай, фізічнай асобай, у тым ліку індывідуальным прадпрымальнікам, якія з'яўляюцца як рэзідэнтамі, так і нерэзідэнтамі Беларусі), названым у далейшым "Пакупнік", якія прынялі (акцэптавалі) публічную прапанову (аферту) пра заключэнне гэтай Дамовы.

1.2. Публікацыя (размяшчэнне) тэксту гэтай Дамовы на сайце Prosad.by, з'яўляецца публічнай прапановай (афертай) Прадаўца, адрасаванай невызначанаму колу асоб заключыць гэтую Дамову (п.2. Арт.407 Грамадзянскага Кодэкса Беларусі).

1.3. Заключэнне гэтай Дамовы ажыццяўляецца шляхам далучэння Пакупніка да гэтай Дамовы, гэта значыць з дапамогай прыняцця (акцэпту) Пакупніком умоў гэтай Дамовы ў цэлым, без якіх-небудзь умоў, выключэнняў і агаворак (Арт. 398 Грамадзянскага Кодэкса Беларусі).

2. Прадмет Дамовы

2.1. Прадавец прадае Тавар па цэнах, якія прадстаўлены на сайце Прадаўца, а Пакупнік ажыццяўляе аплату і прымае Тавар у адпаведнасці з умовамі дадзенай Дамовы.

2.2. Дадзеная Дамова з'яўляецца афіцыйным дакументам Прадаўца і неад'емнай часткай аферты. Дзеючы варыянт гэтай Дамовы размешчаны на сайце Прадаўца за адрэсай: www.prosad.by.

4. Размяшчэнне Замаўлення

4.1 Замаўленне Тавару ажыццяўляецца Пакупніком праз інтэрнэт-сайт Прадаўца Prosad.by.

4.2 Пры размяшчэнні Замаўлення на Сайце Прадаўца Пакупнік самастойна запаўняе ўсю інфармацыю, якая адзначана ў кошыку / рэгістрацыйнай форме.

4.3 Пры размяшчэнні Замаўлення па тэлефонах, якія адзначаныя на Сайце Прадаўца і ў дадзенай Дамове, Пакупнік супрацоўніку Інтэрнэт-крамы прадастаўляе ўсю неабходную інфармацыю, якая будзе запытана Прадаўцом і / або супрацоўнікамі Прадаўца ў Пакупніка падчас размовы. Пакупнік дае дазвол Прадаўцу весці аўдыёзапіс размовы без папярэдняга інфармавання Пакупніка аб вядзенні аўдыёзапісу да пачатку размовы.

4.4 Пакупнік абавязваецца прадаставіць наступную інфармацыю пра сябе: прозвішча, імя, імя па-бацьку (на беларускай або рускай мове); фактычную адрэсу дастаўкі; паштовую адрэсу месца жыхарства (у тым ліку індэкс); адрэсу электроннай пошты; кантактныя тэлефоны з кодам аператара сувязі, а таксама іншую інфармацыю, якая адзначана ў кошыку / рэгістрацыйнай форме. Прадавец абавязваецца не паведамляць публічна рэгістрацыйныя дадзеныя Пакупніка на Сайце Prosad.by, а таксама іншую інфармацыю, якая датычыцца асабістых дадзеных Пакупніка, асобам, якія не маюць дачынення да выканання Замаўлення.

4.5 Прадавец не нясе адказнасці за змест і дакладнасць інфармацыі, якая прадстаўлена Пакупніком пры афармленні Замаўлення.

4.6 Пакупнік нясе адказнасць за змест і дакладнасць інфармацыі, якая прадстаўлена пры размяшчэнні Замаўлення і пры ажыццяўленні пакупкі / набыцця.

4.7 Пакупнік пры размяшчэнні Замаўлення абавязваецца самастойна абраць спосаб дастаўкі Замаўлення з наяўных на момант размяшчэння Замаўлення спосабаў. У выпадку, калі Пакупнік не абраў спосаб дастаўкі Замаўлення, пры размяшчэнні Замаўлення аўтаматычна выкарыстоўваецца паштовы спосаб дастаўкі праз РУП "Белпошта".

4.8 Усе інфармацыйныя матэрыялы, якія прадстаўлены на Сайце, носяць выключна даведкавы характар і не могуць у поўнай меры перадаваць пэўную інфармацыю пра пэўныя ўласцівасці і характарыстыкі Тавару. У выпадку ўзнікнення ў Пакупніка пытанняў, якія тычацца ўласцівасцяў і характарыстык Тавару, перад размяшчэннем Замаўлення, Пакупніку неабходна звярнуцца па кансультацыю да Прадаўца па адзначаных у гэтай Дамове або на Сайце тэлефонах.

4.9 Дзень рэгістрацыі Замаўлення на Сайце Prosad.by з'яўляецца датай заключэння Дамовы куплі-продажу паміж Прадаўцом і Пакупніком.

4.10 Факт афармлення Замаўлення Пакупніком з'яўляецца безумоўным фактам прыняцця Пакупніком усіх умоў дадзенай Дамовы.

4.11 У выпадку, калі Пакупнік пры размяшчэнні Замаўлення не пазначае неабходную інфармацыю (г.зн.: прозвішча, імя, імя па-бацьку, а таксама паштовую адрэсу) для далейшага фармавання Прадаўцом паштовага адпраўлення і адпраўкі праз транспартную кампанію, Прадавец абавязуецца спрабаваць даведацца ў Пакупніка, праз тэлефон альбо тэлефоны, якія пазначае Пакупнік пры размяшчэнні Замаўлення, пра асабістыя дадзеныя Пакупніка (г.зн.: прозвішча, імя, імя па-бацьку, а таксама паштовую адрэсу).

4.12 У выпадку, калі Пакупнік пры размяшчэнні Замаўлення не пазначае неабходную інфармацыю (г.зн.: прозвішча, імя, імя па-бацьку, а таксама паштовую адрэсу) і не адказвае па тэлефонным нумары / нумарах, якія былі аздначаны Пакупніком у Замаўленні, на выклік з боку Прадаўца, на працягу 3 (трох) дзён з моманту размяшчэння Замаўлення, Прадавец мае права ануляваць Замаўленне Пакупніка без папярэдняга паведамлення Пакупніка.

5. Тэрміны выканання Замаўлення

5.1. Тэрмін, у які Прадавец абавязуецца выканаць Замаўленне Пакупніка, вызначаецца ў адпаведнасці з раздзелам "Дастаўка і аплата", які размешчаны на сайце за адрэсай: www.prosad.by/dostavka, і не можа перавышаць 60 дзён з моманту атрымання Прадаўцом ад Пакупніка Замаўлення. Тэрмін выканання Замаўлення залежыць ад наяўнасці замоўленых таварных пазіцый у Прадаўца, а таксама часу, неабходнага на дастаўку.

5.2. Замаўленне лічыцца выкананым з моманту перадачы тавара Пакупніку.

5.3. Права ўласнасці на тавар, пераходзіць да Пакупніка ў момант перадачы Замаўлення. Рызыка выпадковай згубы або выпадковага пашкоджання Тавару нясе Пакупнік з моманту атрымання Тавару/Замаўлення.

5.4. За невыкананне Замаўлення, калі Пакупнік прадастаўляе недакладную інфармацыю пра свае кантактныя дадзеныя, абраны пункт выдачы для атрымання Замаўлення, спосаб атрымання Замаўлення або колькасці тавару ў Замаўленні, Прадавец адказнасці не нясе.

6. Дастаўка Замаўлення і ўзаемнае інфармаванне

6.1. Дастаўка Замаўлення ажыццяўляецца ў адпаведнасці з правіламі, якія выкладзены ў раздзеле "Дастаўка і аплата" на інтэрнэт-сайце Прадаўца.

6.2 Прадавец абавязуецца паведаміць Пакупніка аб адпраўцы ў адрас Пакупніка Замаўлення. Пры гэтым Прадавец самастойна, без згоды з Пакупніком, выбірае прыярытэтны спосаб інфармавання Пакупніка.

6.3 Пакупнік пагаджаецца з тым, што Прадаўцу належыць самастойны выбар прыярытэтнага спосабу інфармавання Пакупніка, без папярэдняй дадатковай кансультацыі з Пакупніком.

6.4 Бакі пагадзіліся з тым, што прыярытэтным спосабам інфармавання Пакупніка аб дастаўцы Замаўлення з'яўляецца адпраўка Прадаўцом інфармацыйнага паведамлення на беларускай мове праз дадатак Viber на нумар, які быў адзначаны Пакупніком пры размяшчэнні Замаўлення.
У выпадку, калі Прадавец не мае магчымасці адзначаным вышэй спосабам праінфармаваць Пакупніка аб дастаўцы Замаўлення, у тым ліку, калі Пакупнік не мае адзначанага вышэй дадатка, Прадавец мае права не адпраўляць інфармацыйнае паведамленне ўвогуле альбо на сваё меркаванне, але неабавязкова, адправіць Пакупніку сціслае SMS-паведамленне на нумар, які быў адзначаны Пакупніком пры размяшчэнні Замаўлення.

6.5 Прадавец не нясе адказнасці за збоі і/альбо недастаўку паведамленняў аб адпраўцы Замаўлення, якія ўзніклі па віне і/альбо з-за дзеянняў аператараў сувязі і/альбо іншых дадаткаў, якія можа выкарыстоўваць Прадавец для інфармавання Пакупніка.

9. Правы, абаязкі і адказнасць бакоў

9.1 Дадзеная аферта не з'яўляецца афертай без адклікання. Прадавец мае права адмовіць у размяшчэнні Замаўлення асобам, якія выказваюць нязгоду з умовамі гэтай Дамовы.

9.2 Прадавец не нясе адказнасці за шкоду, якія была прычынена Пакупніку або трэцім асобам у выніку неналежнага выкарыстання імі Тавару, які быў набыты ў Інтэрнэт-краме Прадаўца.

9.3 Прадавец не нясе адказнасці за змест і функцыянаванне іншых сайтаў Інтэрнэту.

9.4 Прадавец не нясе адказнасці за наступствы, звязаныя з дзеяннямі Пакупніка ў выпадку выкарыстання Тавару, які быў набыты ў Прадаўца, у прадпрымальніцкіх мэтах.

9.5 Прадавец нясе адказнасць за адпаведнасць прадукцыі сартавым, пасяўным якасцям і яе фітасанітарны стан, у адпаведнасці з дзеючай нарматыўна-тэхнічнай дакументацыяй.

9.6 Прадавец нясе адказнасць за прадукцыю, якая была пастаўлена, у выпадку прызнання ім абгрунтаванай прэтэнзіі па сартавых і пасяўных якасцяў толькі ў памеры кошту прадукцыі, якая была пастаўлена, і не нясе адказнасці за наступныя страты.

9.7 Прадавец не нясе адказнасці за шкоду ад непастаўкі і / альбо затрымкі пастаўкі прадукцыі і / альбо па віне транспартнай кампаніі, і/ альбо калі Пакупнік некарэктна вызначыў месца і ўмовы пастаўкі.

9.8 Прадавец не нясе адказнасці за прадукцыю, якая паступіла Пакупніку ў сапсаваным выглядзе, з парушэннем фірмовага пакавання Прадаўца, па віне транспартнай кампаніі.

9.9 Прадавец не нясе адказнасці пры парушэнні Пакупніком умоў захоўвання і выкарыстання прадукцыі.

9.10 Пакупнік нясе поўную адказнасць за дакладнасць ідэнтыфікацыйных дадзеных, які былі названыя і / альбо пазначаныя ім пры замаўленні тавараў.

9.11 Бакі вызваляюцца ад адказнасці за поўнае ці частковае невыкананне сваіх абавязкаў, калі такое невыкананне з'явілася следствам дзеяння абставін непераадольнай сілы, якія ўзніклі пасля ўступлення ў сілу гэтага дагавора і / або ў выніку падзеяў надзвычайнага характару, якія Бакі не маглі прадбачыць і прадухіліць разумнымі мерамі.

9.12 Спрэчкі і рознагалоссі, якія могуць з'явіцца ў сувязі з выкананнем гэтай Дамовы, будуць вырашацца шляхам перамоў паміж Бакамi.

9.13 Пакупнік да прад'яўлення пазову ў суд абавязаны, пры наяўнасці ў яго прэтэнзіі, накіраваць яе на паштовую адрэсу Прадаўца альбо на адрэсу электроннай пошты: prosad@prosad.by з абгрунтаваннем прычын і дакументаў, якія могуць пацвердзіць прэтэнзію. Прадавец абавязаны разгледзець прэтэнзію і накіраваць Пакупніку на яго электронную або фактычную адрэсу матываваны адказ на працягу 14 дзён з моманту атрымання прэтэнзіі.

10. Дэфекты і прэтэнзіі

10.1 Пакупнік павінен праверыць набытую прадукцыю належным чынам.

10.2 Прэтэнзіі па недахопу прадукцыі, якая была пастаўлена ў вагавым вызначэнні, разглядаюцца, калі фактычныя паказчыкі разыходзяцца з дадзенымі, якія былі адзначаны ў дакументах, на велічыню больш значэнняў усушкі і натуральнага змяншэння прадукцыі.

10.3 Пры вызначэнні дэфектаў і / або нястачы Пакупнік абавязаны аформіць гэты факт у пісьмовым выглядзе і накіраваць Прадаўцу ў пісьмовай форме ліст на працягу 3 (трох) працоўных дзён пасля дня атрымання прадукцыі. Пасля заканчэння названага тэрміну прэтэнзіі па дэфектах і нястачы не прымаюцца.

10.4 Прэтэнзія разглядаецца Прадаўцом, і пра вынікі разгляду Пакупнік паведамляецца ў пісьмовым выглядзе на працягу 14 дзён з моманту атрымання прэтэнзіі.

10.5 У выпадку прэтэнзій па пасяўных якасцях, рознагалоссі разглядаюцца пасля правядзення незалежнага аналізу ўзору прадукцыі, якая была выбрана ў Прадаўца. Аналіз праводзіцца адпаведнымі дзяржаўнымі органамі і / або акрэдытаванымі лабараторыямі па месцы знаходжання Прадаўца за кошт Пакупніка. Вынікі гэтага аналізу з'яўляюцца канчатковымі і абавязковымі для Прадаўца і Пакупніка.

11. Узаемныя абавязацельствы і гарантыі, іншыя ўмовы

11.1 У мэтах аднастайнага разумення названых пунктаў Дамовы, падкрэсліваем, што ў выпадку парушэння Пакупніком любых тэхналагічных нормаў пры выкарыстанні насення, усю адказнасць нясе Пакупнік (у дадзеным выпадку п.9.5 і п.9.6 не дзейнічае). Пры гэтым варта разумець парушэнні патрабаванняў, норм і ўмоў, якія звязаныя з перамяшчэннем насення, яго захоўваннем, дадатковымі апрацоўкамі перад пасевам, тэхналогіі пасеву канкрэтнай культуры. Гарантыя на ўсходжасць насення распаўсюджваецца выключна на вынік лабараторнага аналізу, у тэрміны, якія вызначаюцца дзеючымі стандартамі і нарматыўнымі актамі.

11.2 Пры размяшчэнні Замаўлення на Сайце, Пакупнік пагаджаецца з тым, што быў да размяшчэння Замаўлення праінфармаваны пра тое, што ў адпаведнасці з Пастанаўленнем Савета міністраў Беларусі №935 "Аб некаторых мерах па абароне правоў спажыўцоў", і згодна з п.27 "Пераліку нехарчовых тавараў...", кветкі, расліны, насенне вяртанню і абмену не падлягаюць.

11.3 Пакупнік, набываючы прадукцыю Прадаўца, цалкам пагаджаецца з дадзенай Дамовай, а таксама Правіламі карыстання Сайту (якія аналагічна размешчаны на Сайце за адрэсай: https://www.prosad.by/privacy/), якія дзейнічаюць у рамках дзеючага заканадаўства Беларусі і іншых нарматыўна-прававых, і нарматыўна-тэхнічных дакументаў.

11.4 Прадавец мае права перад пастаўкай Замаўлення запатрабаваць ад Пакупніка 100% перадаплаты замоўленага тавару. Прадавец мае права адмовіць Пакупніку ў дастаўцы тавару пры адсутнасці гэткай аплаты. Прадавец мае права запатрабаваць ад Пакупніка 100% перадаплаты за Замаўленне перад адпраўкай у наступных выпадках:

- калі Пакупнік раней здзяйсняў аднаразова альбо шматразова Замаўленне альбо Замаўленні, але адмаўляўся ад яго / іх атрымання, пры гэтым Замаўленне / Замаўленні былі дастаўленыя ў вызначаны тэрмін і ў належнай якасці;

- калі Пакупнік раней здзяйсняў аднаразова альбо шматразова Замаўленне альбо Замаўленні, але не паведаміў Прадаўца аб немагчамасці атрымання Замаўлення, у сувязі з чым Замаўленне не было атрымана Пакупніком і / альбо Замаўленне павярнулася ад Пакупніка да Прадаўца праз транспартныя кампаніі з пазнакай на пакаванні: "Вяртанне за незапатрабаванасцю" альбо "Вяртанне за адмовай";

- па іншых прычынах з меркаванняў Прадаўца.

11.5 Прадавец абавязваецца паведаміць Пакупніка аб сваім патрабаванні 100% перадаплаты перад пастаўкай Замаўлення адным з найбольш прымальным для Прадаўца спосабам сувязі.

11.6 Пакупнік абавязуецца самастойна адсочваць інфармацыйныя паведамленні ад Прадаўца аб патрабаванні 100% перадаплаты перад пастаўкай Замаўлення.

11.7 У выпадку адсутнасці аплаты з боку Пакупніка на 3 (трэці) каляндарны дзень, з дня выстаўлення патрабаванняў аб 100% перадаплаце з боку Прадаўца, Прадавец мае права без дадатковага паведамлення Пакупніка ануляваць Замаўленне Пакупніка.

11.8 Прадавец мае права не пацвердзіць ці скасаваць Замаўленне і паведаміць пра гэта Пакупніка (пры гэтым Прадавец самастойна, без згоды з Пакупніком, выбірае прыярытэтны для сябе спосаб інфармавання Пакупніка), адмовіць у аплаце і/альбо продажы Тавару па названым кошце, калі адзначаны кошт быў выкліканы тэхнічнай памылкай або ў выніку неправамерных дзеянняў з боку трэціх асоб. Вартасць тавару можа быць следствам названых абставін, калі яна адрозніваецца ад медыяны кошту дадзенага сорта/гібрыда па рынку ў дадзены момант часу больш чым на 20%. У такім выпадку Прадавец мае права адмовіць у аплаце і/альбо продажы дадзенага тавару па адзначаным кошце.

Оформить заказ на семена



© Интернет-магазин семян "Просад", 2015.
220034, Беларусь, г. Минск, проспект Независимости, д. 38.
ИП Соловей Н.В. УНП: 291488154. Почтовый адрес: 225416, Барановичи-16, а/я 18.
Интернет-магазин семян Prosad.by зарегистрирован в Торговом реестре Беларуси.
Дата включения сведений в Торговый реестр: 29.08.2017 г.
Регистрационный номер в Торговом реестре: 391020.
Интернет-магазин семян Prosad.by (Просад бай) предлагает купить семена в Минске почтой по Беларуси. Вы можете купить семена почтой в Минске, Бресте, Витебске, Гродно, Гомеле, Могилёве, Барановичах, Бобруйске, Слуцке, Солигорске, Полоцке, Новополоцке, Пинске, Вилейке, Молодечно, Борисове, Жодино, Мозыре, Слониме, Лиде, Орше, Жлобине, Кобрине, Слуцке, Светлогорске, Речице и многих других городах. Звоните, консультируйтесь, заказывайте! Тлф.: 8 029 790 9000, 8 044 790 8000. Время работы: пн.-вс. 9:00-22:00. Купить семена почтой в Беларуси. Магазин семян Беларусь. Семена почтой интернет магазин "Про сад бай". Вы можете здесь купить семена в Беларуси по почте.